منة عرفة توجه رسالة للصحفيين
منة عرفة توجه رسالة للصحفيين
كتبت: سارة محمد الباجوري
نشرت الفنانة منة عرفة رسالة للصحفيين وجمهورها عن طريق خاصية الأستوري على حسابها الرسمي على موقع تبادل الصور والفيديوهات الشهير “الإنستجرام”.
حيث قالت: “من أصعب اللحظات إللي ممكن تعدي على أي ست لحظة الإنفصال وخراب البيت
الطلاق يهتز له عرش الرحمن، لكن أنتوا يمكن عشان بتسمعوا عن بيوت بتتخرب كل دقيقة فبقي أبغض الحلال عند الله بالنسبالكوا نكتة أو حاجه تتمسخروا عليها”.
وأضافت قائلة: “رهان بتعملوه مع بعض على أننا مش هنكمل!، أو مادة خام للشماته فينا
خراب البيت عمره ما كان حاجة سهله على الست أو الراجل أو على أهالينا
في عز ضعفي وحزني وكسرتي إللي ربنا ما يكتبها على أي ست مرحمتونيش، ولا قدرتوا إني في موقف لا أحسد عليه وشمتانين فينا!!”.
وتابعت قائلة: “قد أيه أنتوا ناس متعرفوش ربنا ولا في قلوبكم رحمة، أتمنوا الخير لبعض يا جماعة بلاش نشمت في بعض
لكن دي غلطتي أنا إني شاركتكوا حياتي الشخصية، الإنسان بيغلط عشان يتعلم وأنا أتعلمت
ربنا يعينكوا على نفسيتكوا الجحيم دي وعسي أن تكرهوا شيئًا وهو خير لكم”.
وأختتمت حديثها قائله: “يمكن الخلاف إللي حصل كشفلنا ناس كتير حوالينا كانوا بيمثلوا أنهم فرحانين لينا
بس الحقيقة أنهم كانوا مستنين أول مشكلة عشان يشمتوا في كسرتي وخراب بيتي
بس والله ربنا مش هينولهلكوا وربنا يخليلي أهلي وزوجي والناس إللي بتتمنالي الخير وواقفه جنبي”.
وفي نهاية حديثها وجهت كلمه للصحفيين الذين تناولوا خبر إنفصالها: “وكلمة أخيرة للسادة الصحفيين، أرجوكم كفاية بقي ارحمونا حرام عليكوا”.