رامى جمال يعتذر لزوجته ” أنا غلطان ”
رامى جمال يعتذر لزوجته ” أنا غلطان ”
منة الله بريقع
نشر الفنان رامى جمال عبر موقع تبادل الصور والفيديوهات الشهير ” انستجرام ” صوره تجمعه بزوجته يعتذر لها عن تهنئه عيد ميلادها ، وعلق عليها قائلًا : ” أسف لو اتضايقتى يوم عيد ميلادك منى بشكل مباشر أو غير مباشر .
اصابنى عدم التوفيق فى استخدام كلامك وهزار اعتبره البعض استهزاء أو انتقاص من أهم شخص فحياتى رغم انى عارف وواثق فى تفكيرك وطبيعه حياتنا اللى بمميزتها وعيوبها قررت انها تكون مش للعلن .
الاراء السلبيه اللى شفتها واللى انتى شفتيها لمجرد محاولتك إثبات ان كلامى عنك هو اصلًا بوست ليكى قبل البوست بتاعى جدعنه منك غير مستغربه للأسف قوبلت بأنك شفتى فعلا كلام من البعض يضايق وبما اننا عايشين مع ناس ف أنا بعتذرلك عن اللى حستيه بسبب هزار عارف انك قابلاه بس من حب ربنا فيكى ومن سوء التوفيق ليا إن الناس شافته اهانه وقررت تدافع عنك من غير كلام كتير اسفلك واسف للى ضايقهم الموضوع وشكرًا جدًا ليكى واللى فهموا قصدنا من الأول .
واختتم الفنان رامى جمال تعليقه قائلًا : ” بس الدرس المستفاد انى غلطت فى نشر حياتى للعلن اوعدكم مفيش كلام غير فى اللى بشتغل فيه ، بحبك ” .
وردت عليه زوجته ناريمان قائله : ” مش عارفه بتتأسف عليه ليه وبقولك تانى طريقه هزارك دى مش بتضايقنى ولا هزارى معاك بيضايقك ولو بيضايق الناس فاخلاص مفيش داعى يشفوه لكن هو ولا غلط ولا حاجه ، وانا بحبك زى مانت ومبحبش أن اى حاجه في الدنيا تضايقك ” .
وعلق المطرب احمد جمال قائلاً : ” ربنا يخليكو لبعض وهزرو وانبسطو براحتكم ” .
والجدير بالذكر أن آخر أعمال الفنان رامى جمال ألبوم ” أنا لوحدى ” الذى حقق نجاحاً كبيراً ، ووصل إلى 100 مليون مشاهده عبر موقع ” يوتيوب ” .