“الموفقون فقط من يمتلكون شريكاً للحياه

تنقلها لكم /دعاء خطاب

الحب او لا شئ

عارف يعني ايه أمان بالنسبة للست؟؟
يعني لما تيجي تطلب منك طلب
تطلبه وهي مش خايفة.. مهما
كانت بساطته.. يعني لما تقولك
علشان خاطري تكون عارفه انها
ورطتك لأنك استحاله ترفض
طلبها.. يعني لما تغلط تحكيلك
ولما تعمل حاجة جديدة تاخد
رأيك فيها وهي واثقة انك مش
هتبخل عليها بيه.. يعني مش
هتتريق عليها لو تخنت شوية
ولا هتشمت فيها لو فشلت في
حاجة.. يعني تكون اول واحد
بتعلي ثقتها بنفسها ومبتحسش
بوجودها غير معاك انت وبس
مش العكس.. يعني لما تنام وهي
قاعدة من تعب اليوم تكون
واثقة انك هتغطيها .. انك
هتسكت الكل عشان هي ترتاح
لأن راحتها تهمك يعني لما تتعب
تبقى عارفه ان حضنك مفتوح
لها .. وانك وقت أزمتها هتقف
جنبها حتى لو كنت زعلان منها،
يعني تلاقيك لما تحتاج تشوفك،
يعني لما مامتك تسألك مراتك
عاملة ايه معاك هتقولها الحمد
لله مبسوطين حتى لو في
مشاكل بينكم وبين بعض.. يعني
تكون صاحبها قبل حبيبها،
وحبيبها قبل جوزها، وجوزها
قبل ما تكون أبو أولادها تكون
سندها .. ظهرها اللي بتتحامى
فيه .. قلبها اللي بينبض باسمك
طول الوقت.
صدقني ده الاحساس اللي بتدور
عليه اي ست اللي لما تلاقيه
بتبيع الدنيا كلها علشانه.. لما
تلاقيه مش هتنكد عليك، مش
هتفقد كل حاجة حلوه جواها،
مش هتنام كل يوم ودموعها
على خدها، مش هتكره كونها
ست.. خليك امانه؛ هتكون سندك
طول العمر.

“لا قيمة لمال ولا رفاهية ولا
كماليات ٱمام لحظة حب
وطمأنينة تقضيها مع من تحب”

“قد يحصل معظمنا على زوج أو
زوجه.. لكن الموفقين فقط من
يمتلكون شريكا للحياه” 🍀

قد يعجبك ايضآ
اترك رد

لن يتم نشر عنوان بريدك الإلكتروني.