الدكتورة نيرمين فاروق حسن تكتب: قرأت لكم عن كيف يعرض الطبيب المريض لأعراض جانبيه صعبه

Written by: Dr. Nermeen Farouk Hassan

 الدكتورة نيرمين فاروق حسن تكتب:

قرأت لكم عن كيف يعرض الطبيب المريض لأعراض جانبيه صعبه

Dr. Nermeen Farouk Hassan
High Diploma Islamic Science
High Diploma Sport Injuries
Master’s Sport Physiology
PhD Physical Education
Lecturer in EFA _ EBA, Cairo_Egypt
National Football Commissioner
CAF Commissioner 2016 – 2018
Press Writer in The International Day Newspaper in Egypt and London
1- لو كتبله ادويه فيها #سلفا وماقلوش اشرب ميه كتير اثناء فترة العلاج لان مركبات السلفا بتتركز في الكلي وممكن تسبب التهاب كلوي وحصوات.
2- لو كتبله مضاد حيوي من مجموعة #سيبروفلوكساسين ونسي يحذره من الخروج والتعرض للشمس اثناء الظهيره لان اثناء فترة العلاج بالادويه دي بيكون المريض عنده حساسيه لضوء الشمس وممكن تسببه حروق الوجه والجلد وتؤذي العين.
3-لو كتبله مضاد حيوي اسمه #زيثروكان او #زيسروسين او مجموعة الماكروليد ونسي يقوله تاخدها بعد الاكل بساعتين لانه لو اخدها بعد الاكل مباشرة هيفسد مفعولها.
4- لو كتب لابنك مضاد حيوي زي #هاي_بيوتك او #اوجمنتين شراب او اي حاجه بنفس تركيبتهم ونسي يقولك احفظه في التلاجه مباشرة بعد الحل لانك لو نسيت بره التلاجه هيبوظ عالطول ولازم ترميه اول مالونه يتحول من الابيض للاصفر الغامق.
5- لو كتبلك اقراص #مضاده_للالتهابات بيكتبها كتير اطباء الاسنان والعظام وتخصصات اخري اسمها الفنترن أو أمبيزيم ونسي يقولك تاخدها قبل الاكل بساعه او بعد الاكل بساعتين لان اقل من كده مش هتستفيد منها نهائيا لانها اذا اتاخدت مع الاكل هتحلل البروتينات اللي في الاكل بدل من البروتينات المسببه للورم فلازم تكون المعده الخاليه.
6-لو الدكتور او الصيدلي أعطاكي حاجه #مسكنه_للالم والصداع من مجموعة ديكلوفيناك زي كتافلام او مجموعة كيتوبروفين زي باي الكوفان ونسي أنك بترضعي ‘وخصوصا لو طفل حديث الولاده
لان الادويه دي هتسبب لابنك ارتجاع وحرقان ومغص وانتفاخ وهايفضل يعيط كل ما ترضعيه وهتدوخي عشان تعرفي ايه السبب وانتي السبب.
7- لو كتبلك دواء مسكن #بروفين ونسي يسالك هل بتاخد اي نوع اسبرين للسيوله ام لا
لان البروفين بيلغي تأثير الاسبرين فلو كنت مريض بالقلب او الضغط ومحتاج تاثير الاسبرين ما تاخدش معاه بروفين في نفس الوقت.
💚 دمتم بخير مع أجمل أمنياتي القلبية وأرق تحياتي لكل متابعيني فى مصر وحول العالم.
قد يعجبك ايضآ